10 de agosto

O 10 de agosto de 1992 na Final Olímpica de Béisbol en Barcelona 1992, Cuba gañou a medalla de ouro. Foi a primeira vez que o noso deporte era olímpico e non simplemente de exhibición.
Naquela ocasión non houbo "dream team", salvo o caribeño que obtivo unha vitoria inapelable (11-1) sobre Taipei na final. O fracaso foi para os estadounidenses, que nin sequera puideron consolarse co bronce, ao caer derrotados ante Xapón (1-7). Os equipos americanos e asiáticos foron os grandes animadores da proba
nos campos de Hospitalet e Viladecans.
O campo do anel olímpico en Montjuic era so de adestramento para as seleccións. Panteras xogou en 1993 en Montjuic e en Viladecans, no Campionato de España Xuvenil. De feito a foto que serve de fondo na web foi realizada no segundo dos campos.

Maio, día 3. Hemeroteca

No XVI Campionato de España Cadete de 1981, na fase previa na Coruña, dispútase a segunda xornada da serie entre o Caribes da Coruña e o Génesis de Lugo.
No primeiro partido o resultado é un apretado 23-22 para os lucenses e no segundo, sen nada en xogo, o resultado tamén favoreceu aos visitantes por 14-0.
Con este partido remataba a fase previa que se viña celebrando dende o 18 de abril e que deu como vencedor ao Rias Baixas de Vigo.

Maio, día 2. Hemeroteca

No XVI Campionato de España Cadete de 1981, na fase previa na Coruña, o Caribes perde contra o visitante Génesis de Lugo polo marcador 16-7.

Abril, día 26. Hemeroteca.

No XVI Campionato de España Cadete de 1981, na fase previa en Lugo, os equipos Rias Baixas de Vigo e Génesis de Lugo xogan dous partidos. No primeiro o Génesis imponse por 9-14 e no segundo son os visitantes os que logran a victoria por 13-9.
Foi esta a serie mais disputada desta fase previa.

Abril, día 25. Hemeroteca.

No XVI Campionato de España Cadete de 1981, na fase previa en Lugo, o Rias Baixas vence a domicilio ao Génesis polo apretado marcador de 23-21.

Abril, día 19. Hemeroteca.

No XVI Campionato de España Cadete de 1981, na fase previa en Vigo, o Caribes perde dous partidos contra o Rias Baixas polos marcadores 2-29 e 3-24, perdendo deste xeito os tres partidos disputados.

Abril, día 18. Hemeroteca.

No XVI Campionato de España Cadete de 1981, na fase previa en Vigo, o Caribes perde contra o Rias Baixas polo tanteador de 2-17

Marzo, día 2. Hemeroteca

Noticia publicada en La Voz de Galicia coa convocatoria dun curso para formar a selección galega infantil de béisbol.

Febreiro, día 28. Hemeroteca.

O anuncio do 28 de febreiro de 1991 nos da conta da xuntanza para crear a selección galega infantil.
Anunciabase como coordinador xeral do plan de fomento en idade escolar fora designado Enrique Sanguiñedo.
Enrique era ademais o adestrador do Panteras infantil.

1981: Contraportada de Strike 1

Esta revista a que lle adicamos varias entradas pechaba a súa última páxina con este debuxo. Non sabemos se houbo máis números da mesma xa que este é o único que nos chegou.

Marzo, día 6. Hemeroteca

A noticia publicada en La Voz de Galicia o mércores 6 de febrero de 1991, da conta da xuntanza para determinar a selección galega na categoría de promoción. A foto é de Xurxo Lobato. A noticia fala dunha concentración na Torre, pero a foto parece ser o campo de vello de Acea de Ama, onde disputarase meses atrás a primeira Liga Galega dende a fundación da Federación Galega de Béisbol.

1981: Notas sobre xogador, adestrador e árbitro en Strike 1 (y II)

Continuando co publicado en semanas pasadas, a revista da Federación Española continuaba o espazo adicado ás relacións entre xogador, adestrador e árbitro e mesmo incluía un pequeno esquema defensivo para unha situación no campo.

1981: Notas sobre xogador, adestrador e árbitro en Strike 1 (I)

Na revista da Federación Española de Béisbol un dos espazos estaba adicado a falar da relación entre xogadores, adestradores e árbitros e os seus respectivos papeis no partido.
A entrega continuará en vindeiras semanas.

1981: Curiosidades en Strike 1

Nunha das páxinas desta revista se fala do partido mais longo por aquel entón, que foi suspendido con empate a douses tras oito horas e pico de xogo. Tamén ten unha pequena entrevista con Miguel Angel Pariente.

1981: Historias do béisbol en Strike 1

Unha das páxinas desta revista da Federación Española contaba algunhas anécdotas e historias do béisbol, dos seus comezos e da creación do Museo do Béisbol en New York.

1981: Campións provinciais en Categoría Cadete según Strike 1

A revista STRIKE*1 contaba en 1981 cales foran os Campioóns provinciais en categoría cadete.
En Galicia só aparecen dúas provincias. Na Coruña o gañador fora o Caribes e en Lugo o Génesis.
Naquel tempo non existía a Federación Galega, que nacería oito anos máis tarde, despois dun periodo en que desapareceron as federacións provinciais e con elas o béisbol en Galicia.

1981: Portada de Strike 1

Esta era a portada da Revista STRIKE*1 editada polo Comité de Promoción da Federación Española de Béisbol y Sofbol en 1981. Eran 16 páxinas tamaño folio impresas en branco e negro.

1991: Campionato de España Infantil

Hemeroteca. Esta imaxe xa a publicamos co motivo do falecemento de Marco Rodríguez e a traemos hoxe de regreso ao cumprirse 20 anos da súa publicación. Ideal Gallego, 16 de octubre de 1991. Desgrazadamente segue a ser pouco cotián adicar unha plana enteira ao noso deporte.